فقد نفى الإعلامي الساخر باسم يوسف، ما تناولته أحد المواقع الإخبارية المصرية من أخبار عن طره من أحد العروض المسرحية بمدينة نيويورك من قبل الجمهور، و أكد يوسف سعادته أثناء العرض و على التشجيع الدائم للجمهور له طوال العرض المسرحي.
وأشار يوسف امس الإثنين من خلال تدوينه له عبر موقع التواصل الاجتماعي “فيس بوك” قائلاً : ” طبعا مواقع إياها منزلة قصة غريبة قال يعني “المصريين” طردوني من المسرح في نيويورك، و قصة خائبة كده ما لهاش لازمة، حركة بلدي قوي، و للتوضيح العرض كان ممتاز و كالعادة فيه برضه نفس الخمسة ستة البائسين اللي حاولوا يغلوشوا “، على حد تعبيره.
وتابع يوسف : ” الجمهور كان بيهتف out out عشان هما اللي يطلعوا بره، طبعا المهنية اللي مقطعة بعضها مخلياهم بيكذبوا، و يقولوا إن الهتاف كان ضدي، و ده مش حقيقي، أنا نزلت امبارح الفيديو بتاع استقبالي لما دخلت المسرح، دلوقتي باحط الفيديو اللي كان في اخر العرض، و أزاي الجمهور كان مبسوط و مشجع جدا، بروباجندا رخيصة من مواقع رخيصة” على حد قوله.
