اعتزل الفنان الشاب هادي خفاجة التمثيل نهائيا ، حيث كتب عبر حسابه على فيسبوك ان السبب وراء اعتزاله هو وش السعد ، مشيرا إلى إنه تعرض لموقف جعله يتأكد أن العمل بالوسط الفني أصبح عبارة عن مجموعة من العصابات ، وكتب خفاجة على حسابه : “قررت أنا هادى خفاجة اعتزال التمثيل نهائيًا في مصر وده بسبب الموقف اللي أنا هاحكيه هو موقف في قمة قلة الذوق اللي في الدنيا جاتلي مكالمة الساعة 12 بليل أن محمد سعد عايزنى في تصوير في حلقة من برنامج وش السعد، وانه عايز يقعد معايا طبعًا لبست وروحتله الساعه 1 بليل كان موجود الكأست كله ونجوم الحلقه ايتن عامر ومنه عرفه وعملنا بروفة واتفقت مع مدير الإنتاج والملابس وكل حاجة وأستاذ سامح عبد العزيز المخرج قعدت معاه واتكلمنا عن الشخصيه واتفقنا أن التصوير بعدها بيوم، وكانت الساعة 4 الفجر روحت البيت”.
وأضاف: ” نمت وصحيت استعديت نفسيًا أن رايح التصوير وحفظت السيناريو كان المعاد الساعة 5 المغرب لقيت اتصالا وأنا في الطريق الساعة 4 العصر من واحد من مساعدين الإخراج بيقولي أستاذ هادى أحنا اجلنا الإسكتش بتاع حلقة حضرتك وهنكلمك نقولك أمتي التصوير أن شاء الله، افتح التليفزيون من شويه ألاقى الإسكتش بتاعي أتصور بممثل تاني ؟؟ طب ليه اللف والدوران الحمد لله تاريخي مش هيقف على حلقه بس موضوع تقدير انا حبيت أحكى لأني وسط حاجات كتير حصلتلي مكنتش مستحمل حركه زي دي وبكرة بإذن الله هاكون في نقابة المهن التمثيلية وهاسلم أستاذ أشرف زكى عضوية النقابه لأنها متلزمنيش في شىء دلوقتى بس بجد كفايه تدمير في المواهب وإحباط في الناس لأن الوسط بجد أصبح عن عصابات تتحكم فيه”.
كما أكد الفنان هادي خفاجة أنه سيكمل مشواره الفني في دول أخرى تقدر الإنسانية قبل المواهب والمجاملات، ناهيا كلامه “ده قرار نهائى بجد بينى وبين نفسى مش هرجع فيه”.
