ننشر تفاصيل سرقة منزل ابراهيم سعيد , حقيقة طلب ابراهيم سعيد مقابلة وزير الداخلية وتلقيه تهديدات بالقتل ، ففي تغريدات له عبر حسابه بموقع “انستجرام” ، طالب إبراهيم سعيد، المدير الفنى لنادى جولدى، صباح اليوم الأربعاء، بمقابلة وزير الداخلية بعد تعرضه للتهديد هو وبيته والاستيلاء على ممتلكاته الشخصية والمادية ، وقال إبراهيم سعيد “أطالب بمقابله وزير الداخلية.. مش عارف أدخل بيتى وبيتم تهديدى بالقتل لو قربت من البيت وتم الاستيلاء على كافة مممتلكاتى الشخصية والمادية”.
وأضاف ابراهيم سعيد :” بقالى أسبوع بستنجد بالنجدة عشان أدخل بيتى وإن فى بلطجيه داخل البيت ولحد دلوقتى مش عارف أدخل .. وقدمت كل أوراق ملكيتى لبيتى”، وتابع:”سرقة والاستيلاء على منزلى بالكامل وكسر المنزل ومحدش قبض عليهم رغم تواجدى فى النيابة العامة كل يوم باستمرار وتقديم كافة أوراق ملكيتى”.
وتابع قائلا .. ” القانون هيجيبلى حقى أنا مش بلطجى رغم إنى مشاغب بس بحب البلد دى وعايزها فى أفضل حال، بقالى اسبوع ناس بتقولى نجيبلك ناس ونخلص الحوار ده قولتلهم ولا هيحصل الكلام ده والبلد دى لازم تنضف من الأشكال دى.. أنا بعشق مصر وحر فيها، يعنى بقى ده هو حالنا في مصر مش فاهم.. مصر أكبر من كده بصراحه البلد دي هعيش وأموت فيها وخيرها عليا عشان أجدع وأطيب شعب والله وتستاهل الخير كله”.
واستطرد:”لما يتم القبض على جميع البلطجية من منزلى والاستيلاء على كافه ممتلكاتي وسرقه أموالى مش هرحمهم.. مفيش تهاون مع المجرمين باذن الله وهحبسهم ، من لا يرحم لا يرحم والعين بالعين والسن بالسن والبادى أظلم”.
