موجز مصر – نقدم لكم متابعينا الكرام ، اخر اخبار المنوعات ، حيث عادت الإعلامية ريهام سعيد للظهور مرة أخرى، بعد توقف دام 6 أشهر على خلفية أزمتها مع فتاة تدعى “سمية” والشهيرة بـ “فتاة المول”، واعتذرت “ريهام” عن ما بدر منها للجمهور في بداية حلقتها.
ومن جانبها ، فقد ذكرت “ريهام” خلال برنامجها “صبايا الخير” المعروض على فضائية “النهار”: “أنا لازم اعتذر لكل واحد اضايق او استاء، ولكل فئات الشعب، اللي ممكن تكون انزعجت حتى لو على باطل أو سوء تفاهم، مع إن ربنا عالم اني كنت بقول الحقيقة”.
وتابعت حديثها “ولو في ناس شايفة إني لازم اتعاقب أنا اتعاقبت والله على حاجة متستاهلش، مش هقدر اتكلم دلوقتي، قعدت 6 شهور في البيت وناس كتير أوي أوي ماتت واتشتمت وناس اتريقت علينا واتحكم عليا بسنة ونص سجن، أكيد أنت غلطت في حياتك أو الناس غلطتك وأنت مش غلطان بس محدش اتعاقب زي كده، ولازم اعتذر وأبوس رجل لكل المرضى اللي أهلهم دلوقتي بيبكوا عليهم لانهم ماتوا، والأطفال الكتير أوي اللي راحوا”.
وقد أضافت سعيد “بجرب أنزل الشارع بعد 6 شهور توقف علشان أقولكوا وحشتوني، كل سنة وأنتوا طيبيبن، اتهمتوني بالغرور والكبر عشان ما اعتذرتش تاني يوم، دي أسهل حاجة كان ممكن أعملها إني آكل عيش، الناس بتنسى كل حاجة”.
وواصلت “ريهام” قائلة، “كان الممكن إن أطلب المغفرة من الجمهور، وكانت عدت، لكن في تلك الحالة كيف يمكن أن أواجه أبنائي”، مشيرة إلى “بس كانت حتعدي عندكم إنتم، لكن لو كنت عملت كده كنت هواجه ولادي إزاي، كان ده هيبقى معناه إني قاصدة الإساءة، كان هيبقى معناه إني واطية لو عملت كده فعلا هستفاد إيه؟ هبقى أشهر مثلًا أو أحسن؟”.
فيديو ريهام سعيد “صبايا الحير” تبكي وتعتذر للجمهور في أول ظهور لها
